Këngëtari Alis Kallaçi me interpretimin e këngës Nan në skenën e Eurovision Song Contest 2026 përcolli emocion, energji dhe identitet artistik gjatë natës së dytë gjysmëfinale.

E përditshmja britanike BBC i ka bërë jehonë performancës së Shqipërisë, duke e cilësuar interpretimin e Alis si emocional dhe të paharrueshëm. Media prestigjioze vlerësoi këngën “Nan” për mesazhin e saj të thellë dhe ndikimin te publiku.

“Një këngë me një mesazh, Alis komandon skenën e Eurovision për Shqipërinë me një performancë emocionale të paharrueshme”, shkruan BBC.

Alis u duartrokit nga publiku për performancën drithëruese në skenën e Wiener Stadthalle, ndërsa një nga elementët më të komentuar ishte edhe prania në sfond e imazhit të aktores Rajmonda Bulku, një simbolikë e lidhur me figurën e nënës shqiptare dhe mesazhin emocional të këngës.