Helikopteri Cougar dhe rreth 30 efektivë të Forcave të Armatosura janë riangazhuar mëngjesin e sotëm (9 korrik) në operacionin për shuarjen e zjarrit intensiv në fshatrat e bashkisë Dropull. Zjarri ka krijuar problematika edhe në fshatrat Pecë dhe Kardhikaq të bashkisë Finiq.
Ministri i Mbrojtjes, Niko Peleshi, njoftoi përmes një postimi në rrjetin social Facebook se, nën koordinimin e Agjencisë Kombëtare të Mbrojtjes Civile, po punohet me forcat dhe automjetet zjarrfikëse të bashkive Finiq, Delvinë, Sarandë, Dropull, Gjirokastër dhe Përmet për të stabilizuar situatën e krijuar prej ditës së djeshme.
