Një video nga eventi i sivjetshëm i Miss Universe ka shkaktuar debate të forta në rrjetet sociale, pas pretendimeve se përfaqësuesja e Izraelit, Melanie Shiraz, i ka dhënë shikime “armiqësore” konkurrentes palestineze, Nadeen Ayoub.

Pamjet, të realizuara gjatë një aktiviteti në Tajlandë, tregojnë Shiraz duke kthyer kokën drejt Ayoub dhe duke e vështruar në mënyrë të perceptuar si të ftohtë. Ky moment mjaftoi për të ndezur komentet në rrjet, ku shumë përdorues e akuzuan për “xhelozi” dhe sjellje të paarsyeshme ndaj Miss Palestinës.

Pas valës së kritikave, Shiraz reagoi, duke mohuar çdo keqkuptim:

“Në video po shikonte drejt konkurrenteve të tjera që hynin në skenë. Shtimi i dramës në momente të zakonshme, sidomos kur përhap keqinterpretime, nuk ndihmon në përhapjen e mirësisë apo drejtësisë,” tha ajo.

Pjesëmarrja e Nadeen Ayoub konsiderohet historike, pasi kjo është hera e parë që Palestina merr pjesë në garën “Miss Universe”. Në një postim në Instagram, Ayoub shkroi:

“Unë përfaqësoj çdo grua dhe fëmijë palestinez, forcën dhe shpresën që bota duhet të shohë. Ne jemi më shumë se vuajtja jonë, ne jemi qëndresë dhe zemra e një atdheu që jeton përmes nesh.”

Konkursi i sivjetmë ka qenë i përfshirë edhe nga polemika të tjera, përfshirë incidentin me fituesen e vitit të kaluar, danezën Victoria Theilvig, e cila braktisi ceremoninë pas një debati publik me drejtuesit e organizatës, duke deklaruar:

“Ky është një qëndrim për të drejtat e grave. Të poshtërosh një vajzë tjetër publikisht është e papranueshme.”

Miss Universe 2025 pritet të zhvillohet më 21 nëntor në Bangkok, ku sërish priten momente spektakolare dhe rivalitete mes konkurrenteve.