Reperi kosovar Fero ka folur hapur në emisionin “Mirmëbrëma Yje” për situatën e tij me vajzën dhe ish-bashkëshorten, modelen Arbenita Ismajli, pas një viti largimi nga vajza e tyre.

Ai tha se nuk e ka parë vajzën që më 5 tetor 2024 dhe se ka bërë përpjekje të shumta për ta takuar:

“Qëllimi im është vetëm të shoh vajzën, është bërë një vit. Kam tentuar shumë herë ta takoj vajzën në mënyra të ndryshme dhe nuk ka mundur.”

Fero theksoi se nuk ka pasur qëllim të flasë keq për ish-partneren, duke shtuar:

“Ajo është nëna e vajzës time. Por kur ke kaq shumë kohë që nuk e ke takuar vajzën, nga emocionet kam shpërthyer… për të cilat kërkoj falje.”

Reperi gjithashtu zbuloi se është mashtruar nga marrëveshja që kishte nënshkruar, e cila sipas tij do t’i siguronte të drejtën për të takuar vajzën:

“Nënshkrova një marrëveshje që ajo të kishte të drejta dhe unë të takoja vajzën, aty u mashtrova. Premtimi ishte që të takoja vajzën, por ende nuk kam mundur.”

Ai ka kërkuar ndërhyrjen e institucioneve të Kosovës për të siguruar takime me vajzën, por deri tani vendimi për katër ditë në muaj nuk është zbatuar, ndërsa vajza nuk ka ardhur në Prishtinë që nga viti i kaluar.

Fero përfundoi duke theksuar se synimi i tij i vetëm mbetet të mbajë lidhje me vajzën, pa tensione publike ndaj ish-partneres.