Kryeministri Edi Rama, nga një takim elektoral në Vlorë, u është përgjigjur kritikëve që e akuzojnë se po zhvillon takime vetëm me gratë dhe vajzat, duke lënë jashtë burrat dhe djemtë.
Në një fjalim të drejtpërdrejtë dhe plot ironi, Rama tha se gratë dhe vajzat nuk janë mbledhur thjesht për të duartrokitur, por për të udhëhequr betejën e Partisë Socialiste drejt fitores:
“Çfarë shikoni këtu nuk janë gra dhe vajza të mbledhura për të duartrokitur, por trupa që udhëheqin betejën për të fituar mendjen dhe zemrat e njerëzve në të gjithë Vlorën.”
Duke mos kursyer ironinë ndaj kundërshtarëve, kryeministri shtoi:
“Ky është superioriteti ynë, sepse vetëm me gratë e pararojës mbushim një sallë si kjo, jo si ata që mbledhin gjithë kashtën dhe koqet e tyre.”
Në fund, Rama theksoi se kjo strategji e PS nuk përjashton aspak burrat dhe djemtë, të cilët gjithashtu janë pjesë e rëndësishme e fushatës, por se forca e grave dhe vajzave është ajo që i jep ritëm fitores së partisë.
