Besart Kadia u emërua sot zv/ministri më i ri i Financave dhe Ekonomisë. Lidhur me këtë ka reaguar selia blu, ku tha se është shkarkuar që në 5 nëntor të 2019 nga Partia Demokratike.
Sipas PD Kadia nuk ka asnjë funksion në PD dhe s’mund të ketë as në të ardhmen.
”Z. Besart Kadia, është shkarkuar nga funksioni i anëtarit të Këshillit Kombëtar të PDSH, që më datë 5 Nëntor 2019, për shkak se ishte nismëtar i krijimit të lëvizjes politike “Alternativa”, e financuar sipas informacioneve të verifikuara nga burime të dyshimta financiare të klientëve preferencial të Qeverisë. Që nga ajo datë z. Kadia nuk ka asnjë funksion në PD dhe nuk mund të ketë as në të ardhmen. Atij i është hequr e drejta për të zgjedhur dhe për t’u zgjedhur në strukturat e Partisë Demokratike, për shkelje të parimeve bazë të funksionimit të PDSH, të sanksionuar në nenin 9 të Statutit të PDSH-së.”– shkruan PD.
