Tiranë – Kryeministri dhe kryetari i Partisë Socialiste, Edi Rama, konfirmoi gjatë Asamblesë së PS-së se Ogerta Manastirliu do të jetë kandidate për kryetare të Bashkisë së Tiranës. Rama theksoi se Manastirliu është personi që i duhet kryeqytetit për të udhëhequr qytetin në këtë moment.

“Kuadri ligjor lë për të dëshiruar kur kryetari nuk paraqitet në detyrë, apo kur është i penguar nga paraburgosja. Tirana nuk mund të rrijë e pa krye, qytetarët nuk mund të presin më,” tha Rama. Ai shtoi se Manastirliu është si lokomotiva që i duhet treni i Tiranës, duke theksuar se PS nuk ka më kohë për të kërkuar një alternativë tjetër dhe mbështet plotësisht kandidaturën e saj.

Sipas Ramës, detyra e PS-së është të mbështesë Manastirliun për të fituar besimin e komunitetit dhe për të nisur një drejtim të ri për kryeqytetin.

Për rrjedhojë, në Kuvend do të hyjë Blerina Gjylameti, mandatin e të cilës e mori për pak vota Olta Xhaçka.