Liga e Kampioneve u rikthye mbrëmë në fushë, me duele interesante të 1/8 e finales, dhe me dy skuadra që në fakt janë pretendente për trofeun më të madh europian për klube, Mançester Siti kampion në fuqi dhe Reali i Madridit fituesi i më shumë trofeve të UEFA Champions League. Mançester Siti i trajnerit Pep Guardiola luajti mbrëmë në transfertë përballë Kopenhagenit të Danimarkës.
Në fakt, që kur u hodh shorti, analistët konstatuan se Siti pati fat me goglat, nisur nga niveli më i dobët i kundërshtarit. Anglezët e futën ndeshjen në shinat e duhura e në favor të tyre që në minutën e 10-të, ku Kevin de Bryjn shënoi pas asistimit të Foden. Ky gol konfirmoi ambicien dhe përkushtimin e Sitit për të mos i lënë asgjë rastësisë. Dominimit të Sitit iu përgjigjën danezët, të cilët në minutën e 34-të arritën të barazojnë shifrat 1-1 me anë të Matsonit. Por entuziazmi i danezëve do të zgjaste diçka më shumë se 10 minuta, pasi në sekondat e fundit të pjesës së parë, Bernardo Silva do të shndërronte në gol pasimin e De Bryjnit, duke e kaluar sërish Sitin në avantazh.
Pra pjesa e parë mbyllet 2-1 në favor të ekipit anglez. Në pjesën e dytë Siti mendoi si të menaxhonte rezultatin, kurse danezët, pavarësisht përpjekjeve të shtuara të tyre në sulm, nu kia dolën të gjenin rrugën e rrjetës. Madje, anglezët shënuan edhe golin e tretë me anë të Foden. Për pasojë, fitues doli Mançester Siti, me rezultatin 3-1, duke hedhur një hap drejt kualifikimit në çerekfinale.
Ndeshja tjetër e luajtur mbrëmë në Gjermani midis Leipzigut dhe Realit të Madridit dhuroi jo pak emocione. Ishte një ndeshje e vështirë për të dy ekipet, nisur dhe nga cilësia e mbrojtjeve respektive, por eksperienca e Realit u hap probleme kundërshtarëve në këtë format të UEFA-s. Ky duel pati një shfaqje gati të barabartë të skuadrave, ku grupet u mbrojtën me kujdes dhe synuan të gjejnë zbuluar kundërshtarin në kundërsulm. Reali pati një dominim të lehtë në mbajtjen e topit, kurse Leipzigu më shumë agresivitet në goditjet drejt portës. Gjithsesi, pjesa e parë mbyllet në barazim 0-0.
Në pjesën e dytë Reali u tregua i shpejtë që në aksionin e parë sulmues. Karvajal shërbeu për Brahim Diaz që shëni golin e parë për madrilenët. Ky gol i dha qetësi skuadrës së Ançelotit, që diti të menaxhojë presionin e gjermanëve minutë pas minute. Në fakt, emocionet e shoqëruan këtë takim gjer në minutën e fundit, por Reali doli i fituar 1-0 dhe hedh një hap drejt çerekfinales. Sot në mbrëmje do të luhen dy duele të tjera në Champions League, ku Lacio pret Bajernin e Mynihut, kurse Paris San Zhermen pret Real Sociedad, ku padyshim gjermanët dhe francezët janë favoritë për të shkuar më tej.
