Rikthimi i Donald Trump në Shtëpinë e Bardhë për një mandat të dytë ka ngjallur një emocion të madh, jo vetëm tek mbështetësit e tij në SHBA, por edhe tek opozitarët demokratë në Shqipëri, të udhëhequr nga ish-kryeministri Sali Berisha. Pas fitores së Trump, disa deputetë të Partisë Demokratike (PD), me në krye Berishën, të cilët aktualisht janë të pandehur për aferën “Partizani”, shpresojnë në një rikthim të ngjashëm edhe për kreun e partisë së tyre.

Në kuadër të festimeve të fundvitit, deputetët e PD-së organizuan një darkë festive, ku pas një momenti argëtues, Berisha i rreshtoi dhe i vendosi deputetët të kërcejnë duke kënduar një këngë që ishte dedikuar për të. Ata më pas pozuan së bashku për një foto, e cila u shpërnda në rrjetet sociale. Xhelal Mziu, një nga deputetët e PD-së, e shpërndau foton dhe etiketoi Sali Berishën dhe Donald Trump, duke bërë një lidhje simbolike mes dy politikanëve që shihen si figura të forta në vendet e tyre përkatëse.