Portugalia ka siguruar kualifikimin në fazën e 1/8-ave të Kupës së Botës 2026, pasi mposhti me përmbysje 2-1 Kroacinë në sfidën e zhvilluar në Toronto.
Ndeshja dhuroi emocione të shumta, ndërsa kroatët kaluan të parët në avantazh në minutën e 53-të me Ivan Perisiç, duke ndezur shpresat për kualifikim.
Megjithatë, Portugalia reagoi dhe përmbysi rezultatin, duke vulosur fitoren 2-1 dhe biletën për në raundin e ardhshëm të turneut.
Me këtë sukses, ëndrra e Cristiano Ronaldos për të fituar Kupën e Botës mbetet gjallë. Portugalia do të përballet në fazën e 1/8-ave me Spanjën, në një duel që pritet të jetë ndër më spektakolarët e turneut.
Ndërkohë, për Kroacinë aventura në Botërorin 2026 merr fund, me Luka Modriç që mbyll rrugëtimin e tij me kombëtaren pa arritur të ngrejë trofeun më të rëndësishëm në futbollin botëror.
