Moderatorja dhe ish-Miss Shqipëria, Nevina Shtylla, ka konfirmuar lajmin e bukur që prej ditësh qarkullonte në media: ajo është në pritje të ëmbël për herë të parë.

Nevina ka zgjedhur një mënyrë mjaft të veçantë për ta ndarë lajmin me ndjekësit e saj. Në një video të publikuar në Instagram, moderatorja shfaqet në një ambient plot gjelbërim, e veshur me një fustan saten të bardhë, ndërsa për herë të parë tregon barkun e rrumbullakosur.

Krahas pamjeve të ëmbla, Nevina ka zgjedhur ta shoqërojë videon me vetëm pak fjalë, por që përcjellin emocionin e këtij kapitulli të ri në jetën e saj.

“Sekreti më i ëmbël që kam mbajtur ndonjëherë”, shkruan ajo.

Me këtë postim, Nevina Shtylla i ka dhënë fund aludimeve të ditëve të fundit, duke ndarë publikisht me ndjekësit e saj lajmin e pritjes së ëmbël.