Në ndeshjet e xhiros së tretë të Nations League, Serbia arriti një fitore të rëndësishme 2-0 ndaj Zvicrës në ndeshjen e zhvilluar në Leskovac. Ndeshja u vendos nga një autogol i Elvedit dhe një gol i Aleksandar Mitrović. Zvicra pati një shans për të ngushtuar rezultatin, por Breel Embolo nuk arriti të shënonte nga pika e bardhë e penalltisë. Gjatë gjithë takimit, në stadium u dëgjuan thirrje anti-shqiptare, dhe u panë flamuj provokues, duke shkaktuar tensione, veçanërisht për lojtarët shqiptarë si Granit Xhaka, që ishte titullar në këtë ndeshje.
Në ndeshjet e tjera të Nations League, Spanja mundi Danimarkën 1-0, falë një goli nga Zubimendi, ndërsa Portugalia triumfoi 3-1 ndaj Polonisë. Golat për luzitanët u shënuan nga Bernardo Silva dhe Cristiano Ronaldo, ndërsa një autogol i Bednarek i dha avantazh shtesë Portugalisë. Polonia shënoi golin e vetëm me Zielinskin, por nuk mundi të shmangte humbjen.
