29.5 C
Tiranë
Thursday, June 13, 2024
spot_img

SHBA / Joe Biden thyen këmbën duke luajtur me qenin e tij, Trump i uron shërim të shpejtë

Presidenti i zgjedhur i SHBA-ve, Joe Biden, ka pësuar fraktura në këmbë, pasi rrëshqiti teksa luante me Majorin, një nga qentë e tij.

Fillimisht, u mendua se ai kishte ndrydhur kyçin e këmbës, por megjithatë u urdhërua një kontroll më i imtësishëm.

Mjeku i tij tha se atij mund t’i duhet të mbajë një “çizme mbrojtëse” për disa javë.

Zyra e zotit Biden tha se ai rrëshqiti të shtunën, ndërsa të dielën presidenti i zgjedhur 78-vjeçar nga radhët e Partisë Demokratike, bëri një skanim

Mjeku i tij personal, Kevin O’Connor, tha se “një skanim shtesë nxori në shesh se ai kishte pësuar thyerje të lehta në këmbë”.

Pas fitores ndaj presidentit Donald Trump në zgjedhjet presidenciale të 3 nëntorit, Joe Biden do të jetë personi më i moshuar ndonjëherë që merr detyrën kur të hyjë në Shtëpinë e Bardhë më 20 janar. Shëndeti i tij ka të ngjarë të ndiqet nga afër si nga aleatët ashtu edhe nga kundërshtarët.

Presidenti Trump, i cili nuk e ka pranuar humbjen në zgjedhje dhe po konteston rezultatet në gjykatë, i uroi zotit Biden shërim të shpejtë nëpërmjet një postimi në rrjetin Twitter.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT