Një konflikt për motive të dobëta ka përfunduar me plagosjen e një personi në lagjen “24 Maji” të Vlorës. Rreth orës 20:00, Bledar Skenderaj, 30 vjeç, u godit me një mjet prerës dhe ndodhej në gjendje kritike për jetën në spital.

Policia bën me dije se shërbimet e saj kanë identifikuar dhe shoqëruar personat e dyshuar që morën pjesë në incident, të cilët po merren në pyetje në ambientet e Komisariatit të Policisë Vlorë.

I riu tani ndodhet në spital jashtë rrezikut për jetën, ndërsa policia ka identifikuar disa persona të përfshirë në ngjarje.

Grupi hetimor vijon punën për të zbardhur rrethanat që çuan në këtë ngjarje të rëndë dhe për të dokumentuar ligjërisht të gjithë aktorët e përfshirë.