Gjykata e Durrësit ka caktuar masën e sigurisë “arrest me burg” për tre personat e arrestuar dy ditë më parë, pasi u kapën me mina me telekomandë.
Dy ditë më parë, gjatë operacionit policor zhvilluar nga Komisariati i Policisë Durrës në bashkëpunim me strukturat hetimore të DVP Durrës u kapën në flagrancë shtetasit:
Ilir Alliu, drejtues mjeti, Edmond Bardhi, pasagjer, Bledar Çakalli, pasagjer.
Këta shtetas u kapën duke udhëtuar me një automjet tip “Volvo” dhe gjatë kontrollit shërbimet e Policisë gjetën dhe sekuestruan tri mina të montuara dhe të lidhura me telefon.
Nga hetimet paraprake të policisë, rezultoi se këta shtetas do të shisnin disa mina me telekomandë në qytetin e Durrësit, kundrejt shumës 2500-3000 euro copa.
