Një mjek i njohur ka dhënë një shpjegim të rëndësishëm për shkaqet e tensionit të lartë dhe mënyrat si mund të ndikojnë ushqimet në shëndetin e pacientëve. Sipas tij, një nga arsyet kryesore që shkakton tension të lartë nuk është zemra, siç perceptohet zakonisht, por veshkat.

“Tensioni i lartë është një çështje shumë e zakonshme sot, dhe faktorët që e shkaktojnë janë të shumtë. Ushqimet që i quajmë ‘junk food’ janë shtuar në mënyrë drastike dhe janë një nga shkaktarët kryesorë. Ushqimet e mbyllura, që shpesh janë të pasura me kripë dhe sheqer, ndikon shumë në rritjen e tensionit,” ka shpjeguar mjeku.

Ai ka theksuar gjithashtu se tensioni i lartë lidhet më shumë me dëmtimin e veshkave sesa me zemrën, dhe për këtë arsye është e rëndësishme që të menaxhohet kujdesi ndaj këtyre organeve për të ruajtur balancën e tensionit. “Veshka është ajo që mban balancën e tensionit të gjakut, dhe ndikon shumë në mbajtjen e niveleve të mineraleve në trup,” ka shtuar ai.

Një tjetër faktor që ndikon në tensionin e lartë është konsumi i tepërt i ushqimeve të pasura me glukozë, siç janë çokollatat, sufllaqet, hamburgerët, alkooli dhe pijet e gazuara. Mjeku ka bërë thirrje për kujdes dhe për mosndërprerjen e trajtimit të tensionit të lartë pa konsultuar më parë me specialistët.

Ai ka nënvizuar se pacientët që kurohen për hipertension duhet të kenë një qasje të kujdesshme ndaj medikamenteve dhe nuk duhet të ndalojnë trajtimin pa u konsultuar me mjekun.