Policia italiane publikon pamjet e kontrolleve në Bologna gjatë operacionit ndërkombëtar kundër trafikut të drogës që u ndërmor njëkohësisht në Itali, Shqipëri e Gjermani. Në qendër të operacionit është një grup shqiptar i specializuar në importimin e sasive të mëdha të kokainës nga Gjermania. Deri tani flitet për 13 të arrestuar dhe 22 persona në total në hetim.
Në pamjet e publikuara, pamë kontrollin e policisë italiane në një banesë ku u zbuluan disa elementë thelbësorë për hetimin. Kontrollet përfshinin qenë policorë, të cilët u ndihmuan për të gjetur drogën dhe paratë e fshehura. Në banesë janë gjetur një tufë euro të fshehura në çorap, kokainë e paketuar gati për shitje, disa telefona celularë dhe një sasi të konsiderueshme droge të vendosur në një mikrovalë.
