Policia e Himarës ka shpallur në kërkim policor ish-efektivin Uljan Shpataraku, pas një kallëzimi të bërë nga punonjës të një hoteli në zonën e Dhërmiut.

Sipas pretendimeve të punonjësve të hotelit, pas një debati verbal, Shpataraku i ka kanosur dhe kërcënuar me jetë. Për këtë arsye, ata i janë drejtuar autoriteteve, ndërsa policia ka nisur procedurat për lokalizimin dhe kapjen e tij.

Uljan Shpataraku ka qenë një nga personat e afërt me ish-drejtorin e Përgjithshëm të Policisë së Shtetit, Ilir Proda, ndërsa aktualisht nuk është më pjesë e strukturave të Policisë së Shtetit.

Pak ditë më parë, Shpataraku i është drejtuar gjykatës me kërkesë për rikthimin në detyrë, pas përjashtimit nga organizata e policisë.

Hetimet vijojnë për zbardhjen e plotë të rrethanave të ngjarjes dhe për verifikimin e pretendimeve të palëve.