Kakavijë, Greqi – Një shtetas shqiptar i shpallur në kërkim për trafik droge ka rënë në prangat e policisë greke në pikën kufitare të Kakavijës. Arrestimi u krye nga oficerët e Departamentit të Kontrollit të Pasaportave në bashkëpunim me Departamentin e Policisë së Pogonit.
Sipas autoriteteve helene, shqiptari ishte dënuar nga Gjykata e Kundërvajtjeve të Volosit me 4 vjet e 8 muaj burg, nën akuzat për posedim, blerje dhe trafikim të lëndëve narkotike. Ai ishte në kërkim për një kohë të gjatë dhe më në fund u ndalua teksa tentonte të kalonte kufirin.
Policia greke ka nisur procedurat për zbatimin e vendimit gjyqësor dhe dërgimin e tij në burg, ndërsa arrestimi i tij konsiderohet një sukses në kuadër të masave të shtuara për kapjen e personave në kërkim ndërkombëtar.
