Një ngjarje e rëndë është regjistruar në fshatin Shtërmen, ku dyshohet se një burrë rreth 65 vjeç ka humbur jetën pasi është mbytur aksidentalisht në një kanal vaditës.

Burime zyrtare bëjnë me dije se viktima është shtetasi G. B. Trupi i tij i pajetë është dërguar në institutin e mjekësisë ligjore për të kryer ekspertizën, me qëllim përcaktimin e saktë të shkakut të vdekjes.

Ndërkohë, grupi hetimor ndodhet në vendngjarje dhe po punon për zbardhjen e plotë të rrethanave të këtij rasti. Deri më tani nuk ka dyshime për përfshirje të personave të tjerë.