Një 35-vjeçar nga Mamurrasi është sulmuar me thikë dhe ka pësuar lëndime në trup. Ai ka raportuar në polici se një person i paidentifikuar e ka sulmuar me thikë në një ngjarje të ndodhur në Fushë Mamurras, por errësira i ka penguar ta identifikojë agresorin.

Sipas njoftimit të policisë, i plagosuri Taulant Tuga aktualisht ndodhet në spital nën kujdesin e mjekëve. Specialistët për Hetimin e Krimeve kanë referuar materialet në Prokurori, duke e kualifikuar ngjarjen si “Plagosja e rëndë me dashje”.

Grupi hetimor është në punë për zbardhjen e rrethanave të rastit dhe identifikimin e autorit, i cili ende nuk është i njohur për autoritetet për shkak të errësirës së ngjarjes.