Një moment i papritur dhe tejet emocional është regjistruar ditën e sotme në shtëpinë e Big Brother VIP Albania, ku banorja Brikena është surprizuar nga daja i saj përmes një mesazhi të dërguar me dron.
Letra, e cila fluturonte mbi ambientet e shtëpisë, përmbante fjalë mbështetjeje dhe dashurie: “Dajën e ke pas teje gjithmonë. Me festu fitoren e të dyve kena me pi kafe bashkë me Mateon. Daja të don shumë!”
Mesazhi konfirmoi mbështetjen e familjes për rrugëtimin e Brikenës në lojë, duke shkaktuar emocione të forta jo vetëm tek ajo, por edhe tek banorët e tjerë, të cilët e pritën momentin me përqafime dhe reagime pozitive.
Surpriza mori një domethënie edhe më të veçantë për shkak të historisë së mëparshme mes Mateos dhe dajës së Brikenës, i cili më herët kishte penguar një takim mes tyre. Kjo ndërhyrje simbolike nga ajri duket se shënoi një afrimitet të ri mes familjes dhe çiftit brenda shtëpisë.
