Teheran – Të paktën nëntë spitale janë dëmtuar rëndë gjatë bombardimeve që kanë hyrë në ditën e tretë në Iran, raportojnë mediat lokale. Deputeti Mohammed Beigi theksoi se sulmet kanë prekur objekte shëndetësore, duke i cilësuar ato si shkelje të hapur të ligjeve ndërkombëtare.

“Duke sulmuar spitalet, janë shkelur ligjet ndërkombëtare,” deklaroi Beigi. Ai shtoi se pesë persona humbën jetën në një sulm të veçantë në zonën “Rruga Iran” në kryeqytet, ndërsa disa ndërtesa banimi u shkatërruan totalisht, duke i kthyer në gërmadha.

Operacioni i koordinuar ushtarak nga SHBA dhe Izraeli filloi të shtunën, duke përshkallëzuar tensionet në rajon. Pas sulmeve fillestare, Irani dhe aleatët e tij kanë reaguar me goditje hakmarrëse, ndërsa përplasja po thellohet dita-ditës.