Një ngjarje e rëndë u regjistrua dje në fshatin Rëmbec të Maliqit ku Nesti Sotiri, 60 vjeç u vra me thikë nga fqinji i tij, Velo Hazisllari, i cili ka po ashtu ka mbetur i plagosur.
Ngjarja ka ndodhur për motive banale ndërkohë vëllai i autorit ka folur për mediat.
Vëllai i autorit të dyshuar është shprehur para gazetarëve i tronditur, ndërsa tregon se ngjarjen e ka mësuar nga televizori.
“Nuk di asgjë, sa e pashë në televizor. Nuk kam forcë dhe kurajë të flas. Çfarë të të them, jam i tronditur. Të vritesh për këto gjëra. Më vjen turp. Unë jetoj në Greqi, sa erdha për pushime, ndodhi kjo që ndodhi. Në vitet që kam qenë unë, ata të dy kanë qenë miq e kanë pasur raporte shumë të mira me njëri-tjetrin”, tha Pëllumb Hazisllari.
Hazisllari, i shtruar në spital, tashmë është arrestuar nga policia
