Afrimi mes Vanesës dhe Indritit në “Ferma VIP” ka ndezur debat të fortë, si brenda shtëpisë ashtu edhe në publik.

Situata ka marrë vëmendje të veçantë pasi Vanesa kishte deklaruar që në fillim se ndodhet në një marrëdhënie të konsoliduar jashtë spektaklit. Nga ana tjetër, Indriti nuk e ka fshehur pëlqimin ndaj saj, duke lënë të kuptohet se e sheh përtej kufijve të lojës.

Të dy janë parë shpesh pranë njëri-tjetrit, me afrimitet fizik dhe momente që janë interpretuar si intime, duke shtuar diskutimet mes banorëve.

Megjithatë, së fundmi, Vanesa duket se ka bërë një hap pas. Ajo ka pranuar se situata po e rëndon emocionalisht dhe se ndihet në faj për shkak të lidhjes jashtë shtëpisë.

“Në momentin që afrohemi, mendja më shkon te partneri im. Nuk dua të lëndoj asnjërën palë… nuk mund ta vazhdoj më këtë,” është shprehur ajo gjatë një bisede brenda shtëpisë.

Vanesa ka theksuar se dëshiron të ruajë raportin me Indritin në nivel miqësor, duke e vlerësuar si një person mbështetës, por ka nënvizuar nevojën për të vendosur kufij dhe për të reflektuar mbi situatën.