Është tensionuar sërish situata, pas anulimit të vizitës së ministrit të Jashtëm të Rusisë, Sergey Lavrov, në Serbi, për shkak të mbylljes së hapësirës ajrore nga Bullgaria, Maqedonia e Veriut dhe Mali i Zi. Menjëherë pas kësaj, Rusia ka kërcënuar Ballkanin me sulm bërthamor.
Shefi i Agjencisë Hapësinore të Rusisë, Dimitri Rogozin, tha se Mali i Zi, Bullgaria, Maqedonia e Veriut dhe Rumania kishin tradhtuar historinë e përbashkët të sllavëve, duke u sjellë ashtu si edhe suedezët në raport me Rusinë.
Në një mesazh në “Twitter”, zyrtari i lartë rus thekson se “Sarmat (raketa ruse sh.r) nuk kërkon leje për të fluturuar mbi qiellin e tyre”.
Ky është një kërcënim i hapur për sulm bërthamor nga Rusia ndaj vendeve të Ballkanit, pasi ndaluan vizitën e Lavrovit në Serbi, ku do të takohej me Presidentin Aleksandër Vuçiç.
