Një ngjarje e rëndë është regjistruar në qytetin e Krumës, në lagjen nr. 1, ku një 62-vjeçar ka tentuar të vrasë me mjet prerës një bashkëmoshatar të tij.

Sipas njoftimit zyrtar të Policisë, gjatë një konflikti për motive të dobëta, shtetasi Q. C., banues në Krumë, dyshohet se ka sulmuar me thikë shtetasin I. F., 60 vjeç, banues në fshatin Vranisht.

I dëmtuari u transportua menjëherë në spital dhe, sipas të dhënave të para, ndodhet jashtë rrezikut për jetën.

Policia arrestoi autorin e dyshuar dhe sekuestroi mjetin prerës që dyshohet të jetë përdorur në vendngjarje. Materialet hetimore i janë referuar Prokurorisë për veprime të mëtejshme.