Një tërmet me magnitudë 4.4 të shkallës Rihter ka goditur Napolin gjatë orëve të para të mëngjesit. Sipas të dhënave të Institutit Italian të Gjeofizikës dhe Vullkanologjisë (INGV), lëkundja është regjistruar në orën 01:25 me epiqendër në Pozzuoli, një zonë e njohur për aktivitetin sizmik dhe vullkanik.

Banorët në panik, raportohen dëme materiale
Lëkundjet janë ndjerë fuqishëm në të gjithë qytetin, duke shkaktuar panik te banorët, shumë prej të cilëve kanë dalë jashtë banesave nga frika e pasgoditjeve. Pamjet e shpërndara në rrjetet sociale tregojnë dëme materiale, kryesisht plasaritje në ndërtesa dhe rrëshqitje gurësh në disa zona.

Autoritetet në gatishmëri
Shërbimet emergjente dhe mbrojtja civile po monitorojnë situatën, ndërsa ekipet e shpëtimit janë në terren për të vlerësuar dëmet dhe për të ndihmuar qytetarët. Deri më tani, nuk raportohen viktima apo të lënduar, por ekspertët paralajmërojnë për mundësinë e pasgoditjeve.