Deputeti i Partisë Socialiste dhe ish-kryebashkiaku i Tepelenës, Tërmet Peçi, është paraqitur dhe ka dalë nga ambientet e Prokurorisë së Posaçme (SPAK) pas rreth dy orësh qëndrimi.

I pyetur nga gazetarët për arsyen e thirrjes së tij, Peçi nuk ka dhënë asnjë shpjegim mbi çështjen, duke u mjaftuar me një përgjigje të shkurtër.

“E dinë ata”, u shpreh ai, pa dhënë më shumë detaje për mediat.

Ende nuk bëhet e ditur zyrtarisht arsyeja e paraqitjes së tij në SPAK, ndërsa dyshohet se mund të lidhet me një kallëzim të depozituar më herët nga Partia Demokratike në prill të vitit 2025, pas marrjes së mandatit të deputetit nga radhët e Partisë Socialiste.

Hetimet apo verifikimet e mëtejshme nga Prokuroria e Posaçme nuk janë bërë ende publike, ndërsa rasti mbetet nën vëmendjen e mediave.