Një humbje e dhimbshme ka tronditur familjen Azizllari dhe komunitetin e Maliqit. Ditën e sotme ka ndërruar jetë vajza 6-vjeçare, Nefeli Azizllari, e cila prej disa ditësh po luftonte për jetën në QSUT, në repartin e Djegie-Plastikës në Tiranë.

E mitura kishte pësuar djegie të rënda trupore nga zjarri që përfshiu banesën e familjes më 19 tetor, një ngjarje që la pas humbjen e nënës së saj, Merjeme Azizllari (40 vjeç), dhe vëllait 14-vjeçar, Luka Azizllari.

Pavarësisht përpjekjeve të mjekëve për të shpëtuar jetën e saj, Nefeli nuk mundi t’i mbijetonte plagëve, duke e thelluar edhe më tej tragjedinë që ka goditur familjen dhe qytetin e Maliqit. Autoritetet dhe komuniteti lokal kanë shprehur ngushëllimet më të thella për familjen, ndërsa hetimet për shkaqet e zjarrit vazhdojnë.