Një ngjarje e rëndë ka tronditur Mileton në provincën Vibo Valentia, Itali, ku Pasquale Calzone, 63 vjeç, vrau gruan e tij, Assunta Currà, 55 vjeçe, me disa të shtëna me armë zjarri, dhe më pas u vetëvra me të njëjtën armë.
Sipas raportimeve, çifti ishte ndarë prej rreth një viti dhe ngjarja tragjike ka ndodhur brenda shtëpisë së Calzone. Hetimet fillestare të Karabinierëve tregojnë se vrasja mund të ketë ndodhur pas një grindjeje lidhur me ndarjen, ndërsa arma që u përdor ishte e regjistruar ligjërisht në emër të burrit.
Ngjarja ka shkaktuar tronditje të thellë në komunitetin lokal, ndërsa autoritetet po vazhdojnë hetimet për të sqaruar të gjitha rrethanat.
