Një aksident i rëndë me 8 viktima ka ndodhur në aksin rrugor Këlcyrë-Përmet. Mëngjesin e sotëm, 2 prill, një mjet me emigrantë të paligjshëm aksidentoi, duke shkaktuar humbjen e jetës për 7 klandestinë dhe drejtuesin e mjetit nga Shkodra.
Dinamika e ngjarjes është ende e paqartë, por burime bëjnë me dije se mjeti me emigrantë është pikasur nga patrulla policore, shtuar shpejtësinë për t’i ikur policisë.
Drejtuesi ka humbur kontrollin, mjeti ka dalë nga rruga dhe ka rënë në anë të lumit Vjosa në fshatin Kuqar, duke marrë jetën e të gjithë personave që gjendeshin brenda. Autoritetet lokale dhe policia kanë nisur hetimet për të sqaruar rrethanat dhe shkakun e aksidentit.
Grupi hetimor, i mbështetur nga Forca Kombëtare e Sigurisë, punon për të zbërthyer ngjarjen. Në përfundim të hetimit pritet një njoftim më i detajuar nga autoritetet.
