Një ngjarje e rëndë është shënuar mbrëmjen e djeshme në Klos të Matit, ku 66-vjeçari Xhemal Zhuku humbi jetën pasi u mor nga rrjedha e fortë e lumit Mat.

Sipas informacioneve paraprake, viktima ka tentuar të kalojë lumin, por për shkak të prurjeve të larta është rrëmbyer nga uji. Pas disa orësh kërkimesh intensive, trupi i pajetë i tij është gjetur në orët e para të mëngjesit të sotëm, disa kilometra larg vendit të ngjarjes, pa shenja jete.

Në operacionin e kërkimit janë angazhuar shërbimet e Policisë, familjarë të viktimës dhe banorë të zonës.

Grupi hetimor ndodhet në vendngjarje dhe po kryen veprimet e nevojshme për zbardhjen e plotë të rrethanave të kësaj ngjarjeje tragjike.