Një ngjarje e rëndë ka tronditur Britaninë e Madhe pasditen e së premtes në plazhin e Withernsea, ku një nënë 45-vjeçare dhe vajza e saj 15-vjeçare humbën jetën pas përfshirjes nga dallgët e fuqishme të detit. Viktimat janë identifikuar si Sarah Keeling dhe Grace Keeling.

Sipas autoriteteve, adoleshentja ndodhej pranë bregut kur një valë e papritur e tërhoqi në thellësi. Nëna e saj hyri menjëherë në det për ta shpëtuar, por edhe ajo u përfshi nga rrymat e rrezikshme.

Në vendngjarje ndërhyri edhe Mark Ratcliffe, një qytetar që dëgjoi thirrjet për ndihmë dhe u fut në det pavarësisht kushteve ekstreme, me dallgë që sipas dëshmitarëve arrinin deri në 12 metra lartësi. Fatkeqësisht, edhe ai humbi jetën gjatë përpjekjes për të shpëtuar nënën dhe vajzën.

Autoritetet kanë nisur hetimet dhe po paralajmërojnë banorët dhe turistët për kushtet jashtëzakonisht të rrezikshme në bregdetet e vendit, ndërsa shpëtimi i qytetarëve në situata të tilla konsiderohet shumë i vështirë.