Detaje të reja kanë dalë në lidhje me shpërthimin e automjetit të 36-vjeçarit Oltion Klosi në rrugën “Vasil Noçka” në Tiranë. Sipas burimeve policore, Klosi jeton mes Shqipërisë dhe Spanjës, dhe dyshohet se aktivitetet e tij në Spanjë mund të jenë motiv për sulmin.
Policia njofton se kamerat e sigurisë kanë regjistruar momentin kur autori vendos tritolin në automjet. Sipas pamjeve, ai ka ardhur me biçikletë dhe më pas është larguar po me biçikletë. Hetuesit po punojnë intensivisht për identifikimin dhe kapjen e autorit, ndërsa Klosi njihet edhe si person me precedent penal.
