Presidenti amerikan, Donald Trump, njoftoi se ka zhvilluar një “bisedë telefonike shumë të mirë” me Sekretarin e Përgjithshëm të NATO-s, Mark Rutte, lidhur me çështjen e Groenlandës.
Trump tha se gjatë bisedës u ra dakord për një takim me “palët e ndryshme” në Davos, ku këtë javë mbahet Forumi Ekonomik Botëror dhe ku ai do të marrë pjesë.
Në një postim në Truth Social, presidenti theksoi: “Groenlanda është e domosdoshme për Sigurinë Kombëtare dhe Botërore. Nuk mund të ketë kthim prapa.”
Ai shtoi gjithashtu se Shtetet e Bashkuara janë vendi më i fuqishëm në botë, duke e atribuar këtë fuqizim rindërtimit të ushtrisë gjatë mandatit të tij të parë: “Shtylla kryesore e kësaj fuqie është rindërtimi i Ushtrisë sonë gjatë Mandatit tim të Parë, një proces që po vazhdon me ritëm edhe më të shpejtë.”
