Donald Trump ka bërë komente ironike lidhur me mundësinë e largimit të tij nga politika, duke lënë të kuptohet se një tërheqje e mundshme mund të ndodhë vetëm pas “tetë apo nëntë vjetësh”.

Deklarata e tij u bë gjatë një aktiviteti ku po diskutohej një paketë e re fiskale e miratuar nga administrata amerikane, e cila parashikon lehtësime të konsiderueshme tatimore për bizneset që investojnë në impiante të reja, pajisje dhe projekte kapitale gjatë vitit të parë.

“Në këtë mënyrë, kur të largohem nga posti, le të themi pas tetë ose nëntë vjetësh, do të përfitoj edhe vetë nga kjo masë”, u shpreh Trump, duke shkaktuar të qeshura në sallë.

Ish-presidenti amerikan, i cili pritet të mbushë 80 vjeç në qershor, vazhdon të mbetet një figurë qendrore në politikën amerikane, mes diskutimeve për shëndetin dhe moshën e liderëve politikë në SHBA.

Në deklaratat e tij, Trump iu referua edhe paraardhësit Joe Biden, duke vënë në pikëpyetje aftësinë e tij për të ushtruar detyrën, ndërsa theksoi se vetë i është nënshtruar disa testeve mjekësore gjatë mandatit të tij dhe, sipas tij, i ka kaluar me sukses.

Komentet e tij vijnë në një moment të debatit të gjerë politik në SHBA mbi moshën e kandidatëve dhe kapacitetin e tyre për të drejtuar vendin.