Presidenti amerikan Donald Trump e ka përshkruar presidentin e Venezuelës, Nicolas Maduro, si një “diktator të paligjshëm” përgjegjës për “sjelljen e sasive kolosale të drogave vdekjeprurëse të paligjshme” në Shtetet e Bashkuara dhe e ka akuzuar për mbikëqyrjen e kartelit të njohur si Cartel de los Soles.

Trump shtoi se Maduro dhe gruaja e tij janë aktualisht në një anije drejt Nju Jorkut, ndërsa një vendim për fatin e tyre “do të merret së shpejti” midis Nju Jorkut dhe Miamit.

Presidenti theksoi se me këtë veprim, Venezuela do të bëhet e pavarur dhe e sigurt. “Partneriteti i SHBA-së me Venezuelën do ta bëjë popullin e saj të pasur, të pavarur dhe të sigurt. Venezuelianët që jetojnë në SHBA do të jenë jashtëzakonisht të lumtur. Ata nuk do të vuajnë më,” u shpreh Trump.

Ai ripërsëriti se synimi i këtij operacioni është të garantojë stabilitetin dhe sigurinë për qytetarët venezuelianë, duke vendosur një epokë të re lidhjesh ekonomike dhe politike me SHBA-në.