Presidenti amerikan Donald Trump, në konferencën e përbashkët me presidentin rus Vladimir Putin në Alaska, e përshkroi takimin si “jashtëzakonisht produktiv”, por theksoi se ende mbetet punë për të ndalur luftën në Ukrainë.
“Mendoj se patëm një takim shumë produktiv. Kishte shumë, shumë pika për të cilat ramë dakord. Nuk ka marrëveshje deri sa të ketë marrëveshje. Do të telefonoj NATO-n… dhe natyrisht do të telefonoj presidentin Zelensky për t’i treguar për takimin e sotëm. Ne bëmë vërtet disa përparime të mëdha,” u shpreh Trump para gazetarëve.
Ai shtoi se është arritur progres në disa çështje kyçe, por një nga to mbetet “ndoshta më e rëndësishmja”, pa dhënë detaje konkrete. “Janë vetëm disa pak që mbeten. Disa nuk janë aq të rëndësishme, njëra është ndoshta më e rëndësishmja. Por kemi një shans shumë të mirë për t’ia arritur, nuk ia arritëm ende, por kemi një shans shumë të mirë për t’ia arritur,” theksoi presidenti amerikan.
Trump njoftoi se do të kryejë biseda telefonike me NATO-n dhe presidentin ukrainas Volodymyr Zelensky për t’i informuar mbi rezultatet e diskutimeve me Putinin, duke lënë të hapur mundësinë që ky samit të shënojë një hap vendimtar drejt një armëpushimi të mundshëm.
