Presidenti amerikan, Donald Trump, ka deklaruar se operacionet ushtarake të SHBA-së kundër Iranit mund të zgjasin deri në një muaj. Në një intervistë për Daily Mail, ai tha:

“Gjithmonë ka qenë një proces katër-javor. Ne menduam se do të jetë katër javë a më shumë. Gjithmonë ka qenë një proces katër-javor, kështu që sado i fortë që është, është një vend i madh, do të duhen katër javë ose më pak.”

Duke komentuar për vdekjet e para të personelit amerikan, Trump shtoi:

“Ata janë njerëz të shkëlqyer. Dhe, e dini, ne presim që kjo të ndodhë, për fat të keq. Mund të ndodhë vazhdimisht, mund të ndodhë përsëri.”

Presidenti tha se kishte biseduar me familjet e të rënëve dhe do t’i takonte “në kohën e duhur”. Ai po ashtu theksoi se operacioni po shkon sipas planit dhe se SHBA-ja kishte goditur më shumë udhëheqës iranianë sesa ishte parashikuar:

“Duket sikur janë 48.”

Trump nuk përjashtoi mundësinë e negociatave me udhëheqësit e Iranit, duke shtuar:

“Ata duan, duan të flasin, por unë thashë që duhet të kishe folur javën e kaluar, jo këtë javë.”

Deklaratat vijnë ndërsa tensionet në Lindjen e Mesme mbeten të larta dhe komuniteti ndërkombëtar kërkon përmbajtje dhe rikthim në dialog.