Sot, vajza e Arbana Osmanit dhe Eduart Grishaj feston ditëlindjen e saj! Për këtë rast të veçantë, Arbana ka ndarë me ndjekësit e saj një video të veçantë që kap një moment të paharrueshëm nga jeta e saj.

Në videon që Arbana ka publikuar në Insta Story, ajo ndan emocionet e momentit kur mori lajmin se do të bëhej nënë për vajzë. Videoja është xhiruar nga partneri i saj gjatë pushimeve në Maldivet më 3 mars 2022. “Edi, për shaka, e xhiroi këtë video në momentin kur sapo kisha mësuar se prisja një vajzë pas dy djemve. Pavarësisht se dukem pak budallaqe, është një nga momentet më të bukura të jetës sime; një moment kur nuk mund të ndaloja dot së qari nga lumturia,” shkruan Arbana krahas videos.

Ky moment i veçantë reflekton gëzimin dhe emocionet e thella që ka përjetuar Arbana në atë periudhë, duke e bërë këtë ditë edhe më të paharrueshme për të dhe për familjen e saj.