Një aksident i rëndë rrugor raportohet ketë ndodhur sot në rrugën Prrenjas-Qafë Thanë.

Nga aksidenti kanë mbetur 6 të lënduar. Personat e lënduar janë anëtarë të një familjeje. Familja me 6 anëtarë është përplasur nga një makinë e cila po lëvizte me shpejtësi të lartë.

6 anëtarët e familjes kishin ndaluar në ambientet e një lokali, rreth 30 m larg korsisë së rrugës dhe ishin jashtë mjetit të tyre kur makina tjetër ka humbur kontrollin dhe i ka përplasur.

6 të lënduarit janë transportuar në spitalin e Traumës në Tiranë për të marrë ndihmë mjekëosre.

Një nga fëmijët e familjes, vajza 23 vjeçe është në gjendje të rëndë, pasi gjatë përplasjes e zuri poshtë mjeti. Ndërkohë vajza tjetër 10 vjeçe ka thyer këmbën e po ashtu fraktura ka pësuar dhe vajza 6 vjecare, të treja motra.

44 vjeçari, banues në Peshkopi, që shkaktoi aksidentin është larguar vendngjarja.

Sipas dëshmitarëve mjeti ka humbur kontrollin pas një parakalimi të gabuar dhe ka fluturuar më pas jashtë rruge.