5.5 C
Tiranë
Friday, February 23, 2024
spot_img

Video/ Zbulohet depo armësh në Vlorë, nga kallashnikovë te mina me telekomandë, ja çfarë sekuestroi policia

Policia ka realizuar një operacion të suksesshëm në Vlorë, duke parandaluar një sulm të mundshëm kriminal. Operacioni, i quajtur “Knock Out 4”, ka çuar në sekuestrimin e një arsenali të armëve dhe një mine me telekomandë. Në total janë sekuestruar 4 armë zjarri automatikë, një minë me telekomandë, armë zjarri të tjera, fishekë, dhe pajisje të tjera. Një person është arrestuar në lidhje me këtë rast, ndërkohë që armët do t’i nënshtrohen ekspertizës për të parë nëse janë përdorur më parë në ngjarje kriminale të tjera. Autoritetet kishin informacione nga inteligjenca policore që udhëhoqën këtë operacion.

Finalizohet operacioni policor i koduar “Knock Out 4”, i zhvilluar nga Komisariati i Policisë Vlorë dhe strukturat operacionale të Drejtorisë Vendore të Policisë Vlorë.

Sekuestrohen 1 minë me telekomandë, 4 armë zjarri automatik (njëri prej tyre me silenciator), 1 armë zjarri pistoletë, 1 armë zjarri imituese, 12 krehra armësh, rreth 800 fishekë, 1 jelek antiplumb, 1 peshore elektronike dhe 1 palë targa automjeti.

Vihet në pranga 31-vjeçari që posedonte arsenalin e armëve.
I arrestuari, me precedent të mëparshëm penal në fushën e narkotikëve.

Armët e zjarrit do të dërgohen në Institutin e Policisë Shkencore, për ekzaminime të mëtejshme, për të parë nëse janë përdorur në ngjarje kriminale të ndodhura më parë.

Shërbimet e Komisariatit të Policisë Vlorë dhe të DVP Vlorë, në vijim të punës për garantimin e sundimit të ligjit në territor dhe goditjen e veprimtarive kriminale në fushën e mbajtjes pa leje të armëve dhe vënien përpara përgjegjësisë penale, të shtetasve që i disponojnë ato, pas informacionit të siguruar përmes inteligjencës policore se në lagjen “Isa Boletini”, një shtetas posedonte armë zjarri, në një ambient në pronësi të tij, kanë organizuar dhe finalizuar operacionin policor të koduar “Knock Out 4″, si rezultat i të cilit u vu në pranga shtetasi:- Gj. D., 31 vjeç, banues në Vlorë.

Gjatë kontrollit në ambientin në përdorim të 31-vjeçarit (i njohur me nofkën “Zoto”) dhe kontrollit në banesën e tij, shërbimet e Policisë kanë gjetur dhe sekuestruar 1 minë me telekomandë, 4 armë zjarri automatik (njëri prej tyre me silenciator), 1 armë zjarri pistoletë, 1 armë zjarri imituese, 12 krehra armësh, rreth 800 fishekë, 1 jelek antiplumb, 1 peshore elektronike dhe 1 palë targa automjeti.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT