Sipas raportimeve, aktori Will Smith do të jetë protagonist i një filmi të ri të prodhuar nga Amazon, të titulluar “Supermax”, një thriller që zhvillohet në një burg të sigurisë maksimale.

Në film, Smith do të luajë Rex-in, një agjent i FBI që heton një vrasje misterioze brenda burgut më të sigurt në botë. Projekti përshkruhet si një kombinim aksioni dhe thrilleri me shumë kthesa.

Regjia i është besuar David Gordon Green, i njohur për punën e tij në trilogjinë “Halloween” dhe “The Exorcist: Believer”.

Për Smith, ky projekt vjen si një rikthim i rëndësishëm në Hollywood pas incidentit në ceremoninë e Academy Awards 2022, ndërsa përmendet gjithashtu edhe mundësia e rikthimit në vazhdimin e “I Am Legend”.