Një zjarr me përmasa të mëdha ka përfshirë mbrëmjen e djeshme zonën e Porto Palermos, në Bashkinë Himarë.
Menjëherë pas marrjes së njoftimit, forcat zjarrfikëse janë nisur drejt vendngjarjes për të ndërhyrë dhe për të vënë nën kontroll flakët, me qëllim shmangien e përhapjes së zjarrit në zonat përreth.
Deri në këto momente nuk dihen shkaqet e rënies së zjarrit, ndërsa nuk raportohet për persona të lënduar.
Autoritetet vijojnë monitorimin e situatës, ndërsa priten detaje të reja mbi përmasat e dëmeve dhe ndërhyrjen e ekipeve në terren.
