MALLAKASTËR – Një vatër e re zjarri është regjistruar pasditen e sotme në fshatin Drenovë, duke shtuar shqetësimin për përhapjen e flakëve në disa zona të vendit.
Sipas raportimeve, zjarri ka përmasa masive dhe është përhapur me shpejtësi, duke përfshirë një sipërfaqe të konsiderueshme me shkurre dhe ullishte.
Ende nuk ka informacion zyrtar mbi dëmet apo rrezikun për banesat pranë zonës së prekur. Autoritetet lokale dhe forcat zjarrfikëse janë njoftuar dhe po ndërhyjnë për të frenuar flakët.
Situata mbetet shqetësuese, pasi temperaturat e larta dhe era po vështirësojnë punën e shuarjes së zjarrit.
