Një 17-vjeçar me origjinë turke është arrestuar në Gjermani pas zbardhjes së një plani për të kryer një sulm në një treg Krishtlindjesh. Autoritetet gjermane zbuluan planin e tij pas bisedave telefonike të përgjuara dhe komunikimeve të tjera në rrjetet islamike, ndërsa shërbimet sekrete amerikane ndihmuan gjithashtu në zbardhjen e çështjes.
Informacioni për planin e sulmit u mor nga agjencitë amerikane në pranverën e kaluar dhe më pas u mor në dorë nga prokuroria e Flensburgut, në Schlesëig-Holstein. I riu u arrestua në Elmshorn, Schlesëig-Holstein, dhe është dërguar në paraburgim. Prokurori i qarkut, Bird Winterfeld, konfirmoi se bëhej fjalë për një akt të rëndë dhune që rrezikonte sigurinë e shtetit dhe jetën e qytetarëve.
