Një rekord i ri temperaturash për muajin maj është regjistruar në Portugali, ku termometri ka arritur në 40.3°C, sipas autoriteteve meteorologjike vendase.

Temperatura është shënuar në qytetin Mora, në pjesën qendrore të vendit, dhe është konfirmuar nga shërbimi meteorologjik portugez, i cili thekson se rekordi i mëparshëm për muajin maj ishte 40°C, i regjistruar në vitin 2001.

Sipas Instituti Portugez për Detin dhe Atmosferën (IPMA), vendi po përjeton një valë të hershme dhe intensive të të nxehtit që ka nisur që më 20 maj dhe mund të zgjasë deri në fillim të qershorit.

“Vala aktuale e të nxehtit mund të jetë më e gjata dhe më intensive për muajin maj”, paralajmëroi institucioni meteorologjik.

Autoritetet kanë vendosur pjesën më të madhe të territorit në alarm të verdhë, ndërsa raportohet për rritje të rasteve të shtrimeve në spitale për shkak të temperaturave ekstreme, sipas Ministres së Shëndetësisë Ana Paula Martins.

Episodi i të nxehtit po prek edhe pjesë të tjera të Europës, përfshirë Francën, Mbretërinë e Bashkuar dhe Italinë, ku temperaturat janë rritur ndjeshëm që në fillim të javës.