Ministri gjerman i Mbrojtjes, Boris Pistorius, ka deklaruar se strategjia e re ushtarake e Gjermania synon ta shndërrojë vendin në ushtrinë më të fortë konvencionale në Evropë deri në vitin 2039, me qëllim frenimin e Rusia.

Duke folur në një konferencë për media në Berlin, Pistorius bëri të ditur se forcat e armatosura gjermane, Bundeswehr, kanë miratuar strategjinë e parë gjithëpërfshirëse ushtarake, e cila synon identifikimin e kërcënimeve dhe rritjen e gatishmërisë.

“Po rrisim numrin e ushtarëve aktivë, rezervistëve dhe punonjësve civilë. Parimi ynë udhëzues është që të kemi të paktën 460 mijë ushtarë të gatshëm për luftë, përfshirë forcat aktive dhe rezervë”, u shpreh ai.

Ministri theksoi gjithashtu se Gjermania do të marrë më shumë përgjegjësi brenda NATO, duke vendosur theks të veçantë te mbrojtja ajrore.

“Mbrojtja ajrore për Gjermaninë dhe për NATO-n do të jetë një fushë kyçe për ne. Qoftë përmes dronëve interceptues, sistemeve të mbrojtjes ajrore apo edhe mbrojtjes kundër raketave hipersonike, këto do të jenë prioritet i lartë në vitet e ardhshme”, deklaroi Pistorius.