Ukraina ka kërkuar zhvillimin e një takimi të drejtpërdrejtë mes presidentit Volodymyr Zelensky dhe presidentit rus Vladimir Putin, në përpjekje për t’i dhënë një shtysë të re përpjekjeve diplomatike për përfundimin e luftës që vijon prej më shumë se katër vitesh.

Ministri i Jashtëm ukrainas, Andrii Sybiha, deklaroi se Kievi synon organizimin e një samiti të nivelit të lartë për të rifilluar dialogun, pasi negociatat e ndërmjetësuara nga Shtetet e Bashkuara të Amerikës gjatë vitit të fundit kanë sjellë pak progres në çështje kyçe, përfshirë kontrollin e territoreve të pushtuara nga Rusia.

Ukraina i ka kërkuar Turqia të ndihmojë në organizimin e takimit, ndërsa po shqyrtohen edhe vende të tjera pritëse, duke përjashtuar Rusinë dhe Bjellorusinë si opsione.

Nga ana tjetër, presidenti amerikan Donald Trump ka kërkuar një armëpushim të pakushtëzuar, i cili është pranuar nga Zelensky, por është refuzuar nga Moska.

Sipas analistëve, Kremlini beson se koha është në favor të tij, duke marrë në konsideratë edhe shenjat e dobësimit të mbështetjes perëndimore për Ukrainën.

Ndërkohë, luftimet vijojnë përgjatë një vije fronti rreth 1,250 kilometra në lindje dhe jug të vendit, me humbje të konsiderueshme nga të dyja palët.

Në zhvillimet më të fundit, një sulm ukrainas me dron në qytetin Syzran në Rusi shkaktoi shembjen e një ndërtese banimi, duke lënë të vdekur një grua dhe një fëmijë, si dhe 12 të plagosur, sipas autoriteteve ruse.

Zona ndodhet pranë një rafinerie të Rosneft, objektiv i shpeshtë i sulmeve. Sipas zyrtarëve rusë, sulmet ajrore ukrainase brenda territorit rus janë rritur ndjeshëm, nga rreth 6,200 në vitin 2024 në mbi 23,000 gjatë vitit 2025.

Bisedimet për paqe mbeten aktualisht të ngrira, edhe për shkak të zhvendosjes së fokusit të Shtetet e Bashkuara të Amerikës drejt tensioneve me Iranin.